الـــعـــــــــالــم الــعـربــى
اهلا بك عضونا العالمى الجديد فى منتديات العالم العربى
نتمنى لك الاستفاده والمتعه والوقت الشيق
مع تحيات اداره العالم العربى

الـــعـــــــــالــم الــعـربــى



 
الرئيسيةبوابه العالم الالمجموعاتالتسجيلدخول
رَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَأَنتَ خَيْرُ الْفَاتِحِين @ اهلا بكم اخواني واخواتي في منتديات العالم العربي بعد الافتتاح الجديد العالم العربي بثوبه الجديد ونتمني من كافه الاعضاء النهوض معنا بمستوي المنتدي حتي يصبح منتدي العالم العربي لكل الشباب العربي مع تحيات اداره المنتدي
 
 

شاطر | 
 

 واحد جاسوس وبطاطس وحاجة ساقعة

اذهب الى الأسفل 
كاتب الموضوعرسالة
احلام الشمس
مشرفه قسم
مشرفه قسم
avatar

انثى
تاريخ التسجيل : 05/08/2010
عدد المساهمات : 434
نقاط : 948
السٌّمعَة : 1

مُساهمةموضوع: واحد جاسوس وبطاطس وحاجة ساقعة   الثلاثاء ديسمبر 28, 2010 1:18 pm



عزيزى القارئ، اسمح لى أفضفض لك اليوم عن شىء معكننى آخر عكننة.. وبصراحة لقد نظرت حولى فلم أجد غيرك أثق فيه وأبوح له بمكنون سفيسفاء بئرور قلبى.. فأنا أعلم إننا من زمان وإحنا فيه رباط قوى بيربطنا ببعض وإنك بتعزنى معزة طفل الأنابيب.. قولى بقى، إيه شعورك عزيزى القارئ لما تصدم فى مثلك الأعلى؟.. شعور قاتل، أليس كذلك؟.. أنا أيضا صُدمت أيما صدمة فى جهاز الموساد.. هذا الجهاز الذى نشأت وترعرعت على مسلسلات وأفلام تحكى وتسهب عن ريادته فى الجاسوسية.. وكنت أحتفظ تحت المخدة بكتاب «دليل الموساد للمرأة الذكية» جنب كتاب «أبلة نظيرة»..
وكم كنت أتظاهر إنى بأذاكر بينما كنت أشاهد الأفلام التى تصف المشقة والتدقيق والحنكة فى تجنيد العميل لصالح الموساد، ويطلع مصطفى فهمى مركب دقن مش عارفة عاملة إزاى، ويروح محمود عبدالعزيز يقطع صباع رجله حتى يكون مثل الجاسوس المجند اللى مش عارفة فين، ويخطفوا نادية الجندى ويكتموا نفسها فى صندوق وينزلوا فيها ضرب وتحقيقات وجهاز كشف الكذب عشان يتأكدوا من ولائها لهم، وبعد كل هذا وذاك يطلع فى الآخر إنهم بيعملوا إعلان فى الوسيط!!.. يكونش الإعلان بتاعهم ده اللى كان بييجى فى التليفزيون ويقولك كل ما تطلب أكتر تكسب جوايز أكتر؟.. غالبا هو.. حتى بالأمارة كان بييجى فى رمضان قبل المسلسل.. بقى هل يعقل أن هذا هو جهاز الموساد المهيب المريب اللى طول العقود الماضية كانوا بيخوفونا منه وخبوا عيالكم وشيلوا غسيلكم وحاجات كده؟ يبقى عندى حق أتصدم أم لا؟..
بس سيبك إنت.. برضه الجماعة دمهم خفيف.. طب بذمتك ما وقعتش على الأرض من الضحك مثلى أول ما سمعت خبر القبض على شبكة الجاسوسية؟.. طبعا تضحك.. هو إحنا عندنا إيه مهم يتجسسوا عليه؟.. ياللا.. خليهم يصرفوا مصاريف عالفاضى.. آدى آخرة المال الحرام.. طب قولى، وعندما سمعت الخبر بذمتك ما فرحتش؟ هتفرح ليه؟.. يا عم ده حتى المذيعين اللى أذاعوا الخبر كانوا فرحانين.. أصلك مش فاهم.. إنت مش عارف الحكاية دى معناها إيه؟.. معناها إن لسه فيه حد بيعمل لنا حساب!!.. وشكله كده بيخاف مننا!!.. آه والله، بس خليها فى سرك بقى أحسن الحاجات دى بتتنظر.. المهم، لو سمحت، نتكلم شوية جد بقى.. تعالى نحلل.. من فضلك روح هات كوباية وتعالى.. تقدر تقولى بقى ماذا يمكن أن يكون هنالك عندنا مفيش حد ما يعرفوش وإسرائيل عايزه تعرفه؟!!..
يعنى هل مثلا سكان الإسكيمو لم يسمعوا بأمر الإضرابات والاحتجاجات وتزوير الانتخابات وأبوك السقا مات؟.. هل مثلا ما يعرفوش أنه إلى الآن مصر لم تنتج الطاقة النووية لأنها ترى أن طاقة القدر أهم وأبرك؟.. ويقولك بيراقبوا التليفونات.. طب عندما يكون عندك شعب ينفق سنويا أربعة وستين مليار جنيه على مكالمات الموبايل أليس هذا يعنى أنه شعب فاضى ما بيشتغلش؟ وعندما يكون عندك شعب شوارع بلده متوقفة من الزحام طوال الأربعة وعشرين ساعة أليس ذلك كذلك يعنى أنه شعب صايع وقاعد فى الشارع ليل نهار؟ يبقى هيشتغل إمتى؟.. لأ وإيه.. مجندين شبكتين جاسوسية مرة واحدة مش شبكة واحدة..؟
بس سيبك إنت، برضه الموضوع عمل لنا بريستيج بين الأمم.. وسبحان الله ما أعبط من ستى إلا سيدى، بقى معقول لسه فيه مصريين بيروحوا يتوظفوا جواسيس عند إسرائيل ولا يتوقعون القبض عليهم ؟ ماراحوش سينما وهم صغيرين؟ ألم يروا سيادة اللواء الحكمدار محمود ياسين وجملته الشهيرة «دى مصر يا عبلة؟».. ده إحنا من يومها ونحن نعلم إن أى جاسوس لابد وأن يتم القبض عليه وياخدوه يفسحوه فى الطيارة، ودى مصر يا محمد، دى مصر يا حنفى، دى مصر يا برعى... إلخ إلخ.
بس الشهادة لله، إسرائيل تابعت جميع مشاكلنا ودققت فى جميع مكالماتنا واطلعت على جميع أحوالنا واقتنعت تماما مثل حكومتنا إن كل ما يجرى فى الشارع المصرى ما هو إلا أمور بسيطة تتحل إن شاء الله ازلين وشوية صبر.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مجدي نابلس
نائب مدير المنتدي
نائب مدير المنتدي
avatar

ذكر
تاريخ التسجيل : 29/04/2010
عدد المساهمات : 3472
نقاط : 4375
السٌّمعَة : 2

مُساهمةموضوع: رد: واحد جاسوس وبطاطس وحاجة ساقعة   الأربعاء يناير 12, 2011 3:40 pm



راقت لي كلماتك من أول عنقود لآخره


دمت في حمى الرحمن





تقبل وافر أحتراماتي





مع تحيـــــــــــات

مجدي





_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
واحد جاسوس وبطاطس وحاجة ساقعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الـــعـــــــــالــم الــعـربــى  :: ـمـــــــــنــــــتــــــديــــــات الــــعـــالـــم الــعـــربــى الــســـياســـيــــه :: ظــــلال واضــــــواء ســـــيــــاســـــيـــــه-
انتقل الى: