الشيماء المصرى عضو نشيط
تاريخ التسجيل : 02/07/2010 عدد المساهمات : 200 نقاط : 444 السٌّمعَة : 0
| موضوع: توفيق الحكيم الخميس أغسطس 05, 2010 7:19 am | |
| توفيق الحكيم (اتولد فى اسكندرية، 9 اكتوبر 1898 - إتوفى 26 يوليه 1987)، كاتب مسرحى و روائى مصرى من أكبر كتاب مصر فى العصر الحديث و من رواد مدرسة الفكر الوطنى المصريه. سافر فرنسا عشان يدرس قانون لكن كان اهتمامه بالأدب و الفن أكتر. اتدرج فى وظايف القضاء و الثقافه لغاية ما بقى عضو متفرغ فى المجلس الأعلى للفنون و الأداب. بدأ توفيق الحكيم إنتاجه الأدبى فى تلاتينات القرن العشرين، بمسرحيات اجتماعيه، و نشر إبداعاته " أهل الكهف " و " عودة الروح " سنة 1933، و " شهر زاد " (1934)، ، و " يوميات نائب فى الأرياف " (1937)، و " عصفور من الشرق " (1938) ، و " الطعام لكل فم " و " يا طالع الشجرة ". اتأثر بالثقافه الأوروبيه و المصريه و كتير من أعماله كانت من وحى التراث المصرى بعصوره المختلفه و التطورات الإجتماعيه و السياسيه فى مصر من ايام ثورة 1919. أترجمت معظم إبداعاته للغات تانيه زى الفرنساوى و الإنجليزى و الطليانى و الاسبانى، و اتمثلت مسرحياته فى فرنسا و ايطاليا و بلاد أوروبيه تانيه. عودة الروح رجوع مصر لثقافتهارواية توفيق الحكيم " عودة الروح " كانت تعبير حى عن البعث المصرى و فيها عبر توفيق الحكيم عن رأيه بإن ثورة 1919 كانت علامه على نهاية فترة ما بعد العصر العثمانلى فى التاريخ المصرى و امكانية تصحيح مسار تاريخ مصر و ترجيع اتصالها بأمجادها القديمه. بعد ما نشر توفيق الحكيم " عودة الروح " بعت جواب لـ طه حسين فى يونيه 1933 بيسأله فيه ازى ممكن خلق صوره جميله جديده لمصر بتقوم على مقومات مصريه صرفه و نابعه من تراث وادى النيل ، و قاله احنا كنا فى شبه غفوه مش حاسين بتراثنا و ماكناش بنشوف نفسنا لكن كنا بنشوف العرب الغابرين ، و لا كنا بنحس بوجودنا لكن بوجودهم هما. كرمته مصر بجايزة الدولة التقديرية سنة 1961. | |
|
مجدي نابلس نائب مدير المنتدي
تاريخ التسجيل : 29/04/2010 عدد المساهمات : 3472 نقاط : 4375 السٌّمعَة : 2
| |
قاضي المنتدي مراقب عام
تاريخ التسجيل : 05/05/2010 عدد المساهمات : 3049 نقاط : 4386 السٌّمعَة : 10
| موضوع: رد: توفيق الحكيم الأربعاء سبتمبر 01, 2010 4:20 pm | |
| موضوع راقي برقي كتاتبه ..
يساعد على تواصل الاعضاء بشكل أكبر
أرفع لك القبعة الشيماء المصـــــــــرى على هذا الموضوع الجميل
سلمت يدااااااااااااك
دمت بكل الحب كلامك فى غايه الروعه
ويعجز قلمى على كتابه اكثر من هذا من خلال كلماتك الرائعه
دائما فى التميز ننتظر منك المزيد | |
|