احمد شوقى

احمد شوقى على احمد شوقى بك
( 1868 - 23 اكتوبر 1932)
اتولد فى القاهرة, بيعتبر من اشهر الشعرا المصريين و بيعتبر امير الشعرا و واحد
من احسن الشعرا فى كل العصور.

درس فى مدرسة "المبتديان" ولما خلص ثانوية دخل مدرسة الحقوق
( كلية الحقوق دلوقتى)
وبعدين دخل مدرسة الترجمة. سافر فى بعثة كان باعتها لفرنسا
اعد هناك تالت سنين ورجع لمصر في 18 يوليو 1893.نفاه الانجليز لإسبانيا سنة 1914
عشان مواقفه الوطنية و شعره اللى كان بيهاجم بيها الانجليز ويدافع عن حقوق المصريين
فى الحرية والاستقلال. فضل فى المنفى لحد سنة 1920.

احمد شوقى كان شعره بعبر عن اللى حاسس بيه فى اى موضوع
, مدح مصر و مدح الرسول و اهمية التعليم و اتكلم فى مشاكل عصره عموما ومن اشعاره
'أنا المدرسةُ اجعلنى كأمٍّ . لا تمِلْ عنّى
ولا تفزعْ كمأخوذٍ من البيتِ إلى السجنِ
كأنى وجهُ صيّادٍ وأنت الطيرُ فى الغصنِ
ولا بدَّ لك اليومَ - وإلا فغداً – مِنّى

'

كان مؤسس المسرح الشعرى اللى بالعربى, اول مسرحية كتابها وهو
فى فرنسا كانت اسمها على بك الكبير, المسرحية دى مطلعتش للنور
عشان كان وقتها مش راضى عنها. عمل مسرحية مصرع كليوباترا فى سنة 1927
وفى سنة 1932 اخرج مسرحية على بك الكبير بعد ما عدل فيها شوية