محمد البرادعى

محمد مصطفى البرادعى
(اتولد فى الجيزة - مصر 17 يونيه 1942)
قانونى و ديبلوماسى مصرى, و مدير عام سابق لوكالة الطاقه الذريه الدوليه \ لـ الامم المتحده من 1 ديسمبر 1997.
كرمه العالم بمنحه جايزة نوبل للسلام سنة 2005 هوه و الوكاله الدوليه عشان جهوده و الوكاله لمنع انتشار السلاح النووى.

محمد البرادعى هو المدير العام الرابع لوكالة الطاقه الذريه الدوليه و مسك المنصب دا من 1 ديسمبر 1997 لحد 30 نوفمبر 2009
و انتخبو مكانه الديبلوماسى اليابانى يوكيا امانو.وراجل محترم جدا وعاقل وكريم.

حاز على جايزة نوبل للسلام



اخد قلادة النيل العظمى


قبل ما تنتهى فترة ولاية البرادعى ابتدت تنتشر فى مصر دعوات
من احزاب المعارضه و خصوصا من حزب الوفد انه يرشح نفسه لمنصب رئيس الجمهوريه فى انتخابات 2011.
البرادعى من ناحيته موضحش موقفه من الدعوات دي في الاول, و لكن في 5 نوڤمبر 2009
و في حوار مع السي.ان.ان اكد البرادعي انه على استعداد لدخول الانتخابات الرئاسيه الجايه بشرط
"انها تكون حره و نزيهه
و فى مصادر تانيه كان بيقول انه حيفكّر فى ترشيح نفسه فى الانخابات لو كان فيه مراقبه دوليه على الانتخابات الجايه.^]

الجمعيه الوطنيه للتغيير
هو تجمع من مثقفيين و سياسيين و ادباء و صحفيين و ممثلين مصريين هدفهم
التغير السياسى و تطور و تقدم مصر. اعضاء الجمعيه العموميه بيتكونوا من احزاب وحركات سياسيه بيتفقوا
على فكرة واحدا وهدف واحد وهو التغير السياسى فى مصر الجمعيه الوطنيه بتضم حركات
و احزاب ليبراليه وليبراليين زى
(حزب الجبهة الديموقراطيه و حزب الغد و حركة كفايه و حركة شباب 6 ابريل و محمد البرادعى و غيرهم...)
و الاخوان المسلمين و حزب الوسط و حزب الكرامه و التجمع الناصرى.
الجمعيه بتضم ليبرالين و اشتراكيين و اخوان و شيوعيين متفقين على التغير
السياسى فى مصر. الجمعيه الوطنيه بيرئسها الدكتور محمد البرادعى المدير السابق لوكالة الطاقة الذريه
و مرشح رئاسى محتمل
لانتخابات الرئاسه المصريه 2011.
الجمعيه الوطنيه ليها فروع و ممثلين فى محافظات مصر و بره مصر كمان زى
(امريكا, بريطانيا, كندا, استراليا, الكويت, قطر, السعوديه).