بســــــــــــــــــــــــم اللـــــــــــــــــــــــــه الرحمـــــــــــــــــــــن الرحيــــــــــــــــــــــــم
اولا فى البداية انتو اكيد عارفين انا مين انا احمد حسانين الاسوانى جديد فى المنتدى الجميل دة
ثانيا انا اول ما شفت القسم دة بصراحة عجبنى جدا لانى نفسى حد يقولى ؟ انى اللى بيحب مش بيضحى عشان حبيبة ؟؟؟
انا نفسى اعرف طاب لية انا مضحيتش ,,, لية مضحيتش عشانها على فكرة القصة دى حقيقة وحصلت معايا من سنة ونص تقريبا
واحب اقولكم القصة بايجاز عشان مطولش على وقت سيادتكم
انا كنت بحب واحدة من سبع سنين وكان نفسى تكون هيا الزوجة الصالحة اللى ربنا كتبهالى بس للاسف محصلش نصيب , المهم كنت بحبها حب مش عارف اقولة ازاى ولا حتى اوصفة ازاى ,, اقسم بالله انا بكتب بالعافية من قوة الدموع على الكى بورد المهم ,, فى احدى الايام ذهبنا انا وهيا للغردقة فى عربية اخويا واعدنا يوم كامل هناك عند عمتى فى مكان اسمة مبارك 2 وبعد كدة مشينا اخر اليوم من هناك وبس فى الطريق كنت بهزر معاها عشان خاطر كيس شيبسى انا اخدة لا هيا تاخدة , المهم جة مقابل عربية كبيرة فعملت حادث والعربية اتقلبت على تلات مرات طلعت من العربية بالعافية والدم بينزل منى كانة نافورة اما هيا فكانت من جوة بتقول احمد بصوووت واااطى ,, بسرعة نزلت اطلعها وبالفعل طلعتها ومش عارف اوصفلكم اللحظة كانت ازاى
معرفتش اعمل اية حتى السواق بتاع العربية الكبيرة صدق مهرب من الحادث وقال يا فكيك وانا اعد اصرخ واقول .. لا لا لا ... والبكاء ملهوش حدود وهيا بتقولى مالك يا احمد بتصرخ لية انا كويسة بس اخلص شوفلى عربية عشان منتاخرش على البيت . وانا اقولها حاضر بس متتكلميش تانى وانا هموت من الصراخ ولسوء الحظ مفيش ولا عربية جاية خالص غير فيييين جات عربية ملاكى اخدتنا على اقرب مستشفى وهناك عند اول المستشفى حصل اللى حصل وتوفت اغلى مالية ,, توفت اللى كان نفسى اكون مكانها فى الساعة دى
انا بئى نفسى اعرف انا لية ما متش ساعتها لية هيا اللى ماتت مع انى انا اللى سايق وانا اللى مفروض اموت ,
استغفر الله العظيم يارب على العموم نفسى حد يقولى لية انا مضحيتش مكانها فى الساعة دى
معلش انى احزنتكم معايا لانى مش لاقى حد احكى معاه
اخوكم فى الله احمد حسانين *** صاحب الثلاث كلمات ***foryou_you27
